Balanıń muzıka hám kórkem óner mektebine oqıwǵa kiriwi - shańaraq turmısındaǵı áhmietli waqıya bolıp, bul shańaraq aǵzalarınan bul waqıyaǵa ayrıqsha itibar beriwin talap etedi. Perzentińizdiń ózlestiriwi menen qızıǵıp mektepke kelip tursańız, pedagoglardan alǵan másláhátlerge ámel etip perzentińizge úy tapsırmaların orınlawda járdem berseńiz - bul Siziń perzentińizdiń keleshektegi jetiskenliklerine qosqan oǵada úlken úlesińiz. Mektebimizde ata-analar komiteti xizmet kórsetedi. Mektep pedagogları tárepinen ata-analar ushın dógerek sáwbetleri, seminarlar shólkemlestirilip barıladı. Sizlerden usı ilajlarda qatnasıwıńızdı, mektepte shólkemlestiriletuǵın koncertlerge keliwińizdi sorap qalamız.
Mektebimiz Ustavında ata-analardıń huqıq hám minnetlemeleri belgilep qoyilgan.

Ata-analar tómendegi huqıqlarǵa iye:

- balalar muzıka hám kórkem óner mektebi basshılıǵınan perzenti ushın usı mekteptiń ustavına muwapıq zárúr sharayatlar jaratılıwın talap etiw;
- bala shaxsına húrmet penen múnásibette boliwdi talap etiw;
- jámiechilik tiykarında balalar muzıka hám kórkem óner mektebiniń jumısında qatnasıw;
- nızam hújjetlerinde belgilengen basqa huqıqlar.

Ata-analardıń minnetlemeleri tómendegilerden ibarat:

- perzentiniń fizikalıq hám ruwxıy salamat bolıwı ushın ǵamxorlıq etiw;
- balanıń qádir-qımbatına húrmet penen qaraw, onı miynet súygishlik, jaqsılıq, watansúyiwshilik ruwxında tárbiyalaw;
- perzentinde nizamlarga boysınıwshılıq, insan huqıqları hám erkinliklerine húrmet sezimin tárbiyalaw;
- perzentine oqıw shınıǵıwlarında qatnasıwı ushın zárúr sharayatlar jaratıw;
- perzentiniń bilim alıwına járdemlesiw hám úkinishli sebeplersiz oqıw sabaqlarına turaqlı qatnasıwın támiyinlew;
- oqıw ushın tólemdi óz waqtında ámelge asırıw;
- nızam hújjetlerinde belgilengen basqa minnetlemeler.