BMShǵa oqıwǵa tapsırıw ushın oqıwshınıń ata-anası yamasa olardıń ornın basıwshı wákiller hár jılı 1-avgusttan 25-avgustqa shekem qabıllaw komissiyasına tómendegi hújjetlerdi usınadı:

a) bilimlendiriw baǵdarı kórsetilgen arza;

b) oqıwshınıń tuwılǵanlıǵı haqqındaǵı gúwalıǵınıń nusqası;

d) densawlıǵı haqqındaǵı medicinalıq maǵlıwmatnama;

e) 3 x 4 sm ólshemde 2 súwret;

Muzıka baǵdarlarına qabıllaw qabıllaw sınaqları nátiyjeleri boyınsha tańlaw tiykarında ámelge asırıladı.
Kiriw imtixanlarında komissiya tómendegilerdi bahalaydi:

1. Muzikalıq esitiw qábileti: atqarılıp atırgan qosıqta ırǵaqtıń tazalıǵı, ayırım seslerdi hám qısqa namalardı anıq tákirarlaw, garmoniyalıq birikpede sesler sanın anıqlaw.

2. Ritmdi seziw: berilgen ápiwayı ritmikalıq sanaqtı aniq tákirarlaw.

3. Muzikalıq yad: namalardı bir márte shertip beriw hám qol shappatlap berilgennen keyin nama hám ritmlik sanawdı anıq tákirarlap beriw.

BMSMnıń oqıwshılar diziminen oqıwshını shıǵarıw tómendegi tártipte ámelge asırıladı:
1. Ata-analardıń arzasına bola mektep hám oqıwshınıń ata-anası (nızamlı wákili) arasındaǵı qatnasıqlardıń toqtatılıwında;

2. Akademiyalıq dem alista bolgan hám 10 kún dawamında óz waqtında sabaqlarga kelmegen oqıwshılar muģallimniń yamasa bólim baslıǵınıń xabarına tiykarlanıp;

3. Tólem tóleminen qarızı bar hám eki hápte dawamında ata-anası tólem tólemin óz waqtında tólemegen oqıwshılar muǵallimniń (klass basshısınıń) bildiriwine tiykarlanıp.

4. Oqıwshı oqıw shereginde toparlıq sabaqlardıń 50% den aslamında sebepsiz qatnaspaǵan bolsa, teoriyalıq pánler yamasa arnawlı pánler bólimi baslıǵınıń oqıtıwshılar keńesine oqıwshını mektep diziminen shıǵarıw yamasa shara kóriw haqqındaǵı bildiriwine tiykarlanıp.

Oqıwshını mektep diziminen shıǵarıw muǵallimler keńesiniń qararına tiykar mektep direktorınıń buyrıǵı menen rásmiylestiriledi.

Oqıwshı nawqaslıq waqtı 15 kúnnen assa medicinalıq maǵlıwmatnama alıp kelgen jaǵdayda ata-ana tólem pulınan usı kúnler ushın azat etiledi.

Oqıwshılardıń bilimi hám dóretiwshilik sheberligi tómendegi tártipte bahalanadı: 5 (ayrıqsha), 4 (jaqsı), 3 (qanaatlandırarlı), 2 (qanaatlandırarsız).

Imtixanlar hár jılı 31-avgustqa shekem oqıwshınıń dóretiwshilik qábiletin anıqlaw maqsetinde ótkeriledi. Imtixanlar qabıllaw komissiyası janında ótkeriledi.

Imtixanlar bir márte tapsırıladı, qayta tapsırıwǵa jol qoyılmaydı.

Imtixanlar dóretiwshilik qábiletlikti anıqlaw hám arnawlı pánler boyınsha qabıllaw sınaǵına bólinedi.

Balalar muzıka hám kórkem óner mektebinde bilim alıw tólemli tiykarda ámelge asırıladı.

Bunda bir shańaraqtan eki yamasa onnan artıq balalar oqıwǵa qatnassa tólem muǵdarı belgilengen stavkanıń 70% muǵdarında óndiriledi.

Tólem oqıw jılı (sentyabr - may ayları) ushın tólenedi. Tólemler hár ayda kelesi aydıń 5-sánesinen keshikpey tólenedi.

BMSMda bilim alıw tólemi muǵdarı:

- muzıka baǵdarında jıl basında eń kem miynet haqı muǵdarınıń 75 procenti;

- kórkem óner baǵdarında jıl basında eń kem miynet haqı muǵdarınıń 50 procenti.

Bir shańaraqtıń eki hám onnan artıq perzentleri oqısa, olardıń hár biri ushın belgilengen tólemniń 70% muǵdarında tólem ámelge asırıladı.

Tolıq mámleket támiynatında bolǵan jetim balalar hám ata-ana qaramaǵınan ayırılǵan balalar da balalar muzıka hám kórkem óner mekteplerinde oqıw ushın belgilengen tólemlerden azat etiledi.

Tolıq mámleket támiynatında bolǵan jetim balalar hám ata-ana qaramaǵınan ayırılǵan balalardıń oqıwı ushın tólemnen azat etiwge mákan puqaralar jıyını tárepinen berilgen maǵlıwmatnama tiykar boladı.

Balalar muzıka hám kórkem óner mekteplerinde ulıwma oqıwshılar sanınıń 25 procenti sheńberinde balalardıń tómendegi kategoriyaları tólemnen azat etiledi:

- muzıka hám kórkem óner baǵdarları boyınsha xalıqaralıq (1 - 3-orınlar) hám respublikalıq (1-orın) tańlawlarda jeńimpaz bolǵan balalar - bir kalendar jıl dawamında (jeńimpaz dep járiyalanǵan aydan keyingi aydan baslap 12 ay dawamında);
- kem támiyinlengen shańaraqlardan bolǵan balalar.

Muzıka hám kórkem óner baǵdarları boyınsha xalıqaralıq (1 - 3-orınlar) hám respublikalıq (1-orın) tańlawlarda jeńimpaz bolǵan balalardı bir kalendar jıl dawamında oqıtıw ushın tólemnen azat etiwge olardıń tańlawda jeńimpaz bolǵanlıǵın tastıyıqlawshı hújjeti tiykar boladı.

Kem támiyinlengen shańaraqlardıń balaların tólemnen azat etiw ushın tómendegi hújjetler usınılıwı kerek:

a) ata-analardıń arzası;

b) shańaraqtıń kem támiyinlengenligi haqqında puqaralardıń ózin-ózi basqarıw uyımları tárepinen beriletuǵın maǵlıwmatnama.

Shańaraqtıń bir aǵzasına bir ayda tuwra keletuǵın jámi dáramatı eń tómen dárejedegi kem támiyinlengen shańaraqlardıń balaları tólemnen azat etiletuǵın balalardıń dizimine birinshi gezekte kirgiziledi.

Dizimge kirmegen kem támiyinlengen shańaraqlardıń balalarınan rezerv qáliplestiriledi.

Tólemnen azat etiletuǵın balalardıń dizimi balalar muzıka hám kórkem óner mektebi direktorınıń buyrıǵı tiykarında tastıyıqlanadı.