I. INSAN QÁDIRIN JOQARILATIW HÁM ERKIN PUQARALIQ JÁMIYETIN JÁNE DE ARTTIRIW. RAWAJLANDIRIW ARQALI XALIQSHIL MÁMLEKET QURIW
Birinshi jónelis erkin puqaralıq jámietin rawajlandırıw arqalı xalıqshıl mámleket qurıwǵa qaratılǵan. Bunıń ushın keleshekte mámleketlik funkciyalardıń úlken bólegi oraydan aymaqlarǵa ótkeriledi. Hár bir máhállede hákim járdemshisi lawazımı engiziledi. Rayon byudjeti qosımsha dárekler menen támiyinlenip, máhálleniń óz aldına qorı qáliplestiriledi. Oraylıq uyımlar transformaciyalanıp, ıqsham hám nátiyjeli basqarıw sisteması jaratıladı, birdey baǵdardaǵı wazıypalardı ámelge asırıp atırǵan uyımlar optimallastırıladı.

II. MÁMLEKETIMIZDE ÁDILLIK HÁM NIZAM ÚSTINLIGI PRINCIPLERIN.
RAWAJLANIWDIŃ EŃ TIYKARǴI HÁM ZÁRÚR SHÁRTINE
AYLANDIRIW
Ekinshi jónelis ádillik hám nızam ústinligin bekkemlew, insan qádirin támiyinlew wazıypaların qamtıp alǵan. Usı maqsette sud sisteması hám advokatura institutı, huqıq qorǵaw uyımlarınıń jumısı jetilistiriledi. Isbilermen hám múlk ieleriniń huqıqlarınıń qorǵalıwı kúsheytiledi. Korrupciyanı saplastırıwǵa mámleket hám jámiettiń barlıq kúsh hám quralları jumsaladı. Onda ayıpkerlerdi huqıqıy juwapkershilikke tartıw menen sheklenip qalmastan, korrupciyanıń sebeplerin aldınnan saplastırıw ilajları kóriledi.

III. MILLIY EKONOMIKANI JEDEL RAWAJLANDIRIW HÁM JOQARI ÓSIW TEMPLERIN TÁMIYINLEW
Úshinshi jónelis milliy ekonomikanı rawajlandırıw baǵdarındaǵı rejeler bildirilgen. 2030-jılǵa barıp, jan basına esaplaǵanda xalıqtıń dáramatları ortasha kórsetkishten joqarı bolǵan mámleketler qatarına shıǵıw maqset etilgeni aytıldı. Oǵan, bárinen burın, jeke menshik sektordı xoshametlew hám onıń úlesin arttırıw jáne tikkeley sırt el investiciyaların tartıw esabınan erisiledi. Makroekonomikalıq turaqlılıqtı támiyinlep, inflyaciya dárejesin belgilengen 5 procentke shekem tómenletiw ilajları kóriledi. Xalıqtı turaq jay hám taza ishimlik suwı menen támiyinlew, zamanagóy jol hám kommunikaciya tarmaqların qurıw, jámietlik transport hám aymaqlararalıq qatnawlardı jaqsılaw boyınsha da iri joybarlar ámelge asırıladı.

IV. ÁDIL SOCIALLIQ SIYASAT JÚRGIZIW, INSAN KAPITALIN RAWAJLANDIRIW
Tórtinshi jóneliske tiykarlanıp sapalı tálim-tárbiya máselesi turaqlı dıqqat orayında boladı. Usı maqsette oqıtıwshılardıń aylıq miynet haqısın izbe-iz arttırıp barıw hám 2025-jılǵa barıp, 1 mıń dollar muǵdarına jetkeriw názerde tutılǵan. Jańa mektepler qurıw, barlarınıń materiallıq-texnikalıq bazasın bekkemlew, tarawdıń barlıq basqıshları arasında izbe-izlikti támiyinlewge qaratılǵan Milliy bilimlendiriw baǵdarlaması islep shıǵıladı. Xalıqtıń salamatlıǵın saqlaw ushın barlıq sharayat jaratıladı. Kelesi bes jılda joqarı kategoriyalı shıpakerlerdiń miynet haqısın da 1 mıń dollar ekvivalentine jetkeriw mólsherlenbekte. Wálayat, rayon hám qalalarda qánigelestirilgen medicinalıq xızmetler kólemi keńeytiledi. Mámleketlik medicinalıq qamsızlandırıw sisteması iske túsirilip, qarjı anıq nawqasqa baylanısqan halda ajıratıladı. Dene tárbiyası hám sporttı rawajlandırıw, salamat turmıs tárizin engiziw áhmietli wazıypa bolıp qaladı.

V. RUWXIY RAWAJLANIWDI TÁMIYINLEW HÁM TARAWDI JAŃA BASQISHQA ALIP SHIǴIW
Besinshi jónelis tiykarınan ruwxıy hám aǵartıwshılıq tarawlar rawajlandırıladı. Usı maqsette "Jańa Ózbekstan - máripatlı jámiet" koncepciyası ámelge asırıladı. Mádeniyat hám kórkem ónerdi rawajlandırıw, jaslardı salamat isenim ruwxında tárbiyalaw, milletleraralıq tatıwlıq hám óz-ara húrmetti bekkemlewge tiykarǵı áhmiet qaratıladı

VI. MILLIY MÁPLERDEN KELIP SHÍQQAN HALDA ULIWMA INSANIYLÍQ MASHQALALARǴA QARASIW
Altınshıd jónelis, global mashqalalardıń milliy hám regionallıq dárejedegi sheshimlerin tabıw, bul baǵdardaǵı barlıq háreketlerdi úylestiriw zárúr ekenligi atap ótiledi. Atap aytqanda, ekologiyalıq qáwip-qáterlerdiń unamsız tásiri artıp baratırǵanı atap ótilgen. Aralboyın ekologiyalıq innovaciyalar hám texnologiyalar aymaǵı sıpatında rawajlandırıw, Pútkil jer júzilik ekologiya kartasın islep shıǵıw máselelerine toqtap ótilgen

VII. MÁMLEKETIMIZ QÁWIPSIZLIGI HÁM QORǴANIW POTENCIALIN KÚSHEYTIW, ASHIQ, PRAGMATIKALIQ HÁM AKTIV SIRTQI SIYASAT JÚRGIZIW
Jetinshi jónelis mámlekettegi tınıshlıq hám qáwipsizlikti támiyinlew, xalıqaralıq birge islesiwdi rawajlandırıw baǵdarındaǵı wazıypalar óz kórinisin tapqan. Qurallı Kúshlerimizdiń qúdireti jáne de arttırılatuǵını, áskerlerdiń jawıngerlik tayarlıǵı, fizikalıq hám ruwxıy tayarlıǵı kúsheytiletuǵını atap ótilgen. Xalıqaralıq birge islesiwde pragmatikalıq hám tereń oylanǵan sırtqı siyasat, ekonomikalıq diplomatiya dawam ettiriledi. Bárinen burın, qońsı mámleketler hám dúnyanıń barlıq regionlarındaǵı sherikler menen óz-ara paydalı hám kóp qırlı baylanıslar keńeytiledi