1. Mámlekettiń muzıka hám kórkem óner tarawı boyınsha bilimlendiriw siyasatın ámelge asırıw, maqset hám wazıypalardan kelip shıqqan halda tálim-tárbiya procesin rawajlandırıw, onı jetilistiriwde pedagogikalıq jámááttiń jumıs baǵdarın belgilew, bilimlendiriwdegi jetiskenliklerdi hám aldınǵı pedagogikalıq tájiriybelerdi ámeliyatqa engiziwde pedagogikalıq jámáátti birlestiriw, demokratiya, járiyalılıq, ózin-ózi basqarıw principleri tiykarında basqarıwdı ámelge asırıw maqsetinde mákemede pedagogikalıq keńes shólkemlestiriledi.

Pedagogikalıq keńes mekemeniń joqarı basqarıw organı esaplanadı.
2. 8-sanlı MTO direktorı pedagogikalıq keńes baslıǵı esaplanadı. Pedagogikalıq keńes xatkeri pedagog xizmetkerler arasınan tayinlanadi.
Pedagogikalıq keńes baslıǵı óz wazıypasın orınlay almaytuǵın jaǵdaylarda (kesellik, xızmet saparına ketken hám basqalar) onıń wazıypaları direktordıń oqıw-aǵartıwshılıq isleri boyınsha orınbasarı tárepinen ámelge asırıladı.
3. Pedagogikalıq keńes quramı mekeme direktorı, direktordıń oqıw-aǵartıwshılıq isleri boyınsha orınbasarı hám pedagog xizmetkerlerden ibarat boladı. Mákemeniń hár bir pedagog xızmetkeri jumısqa qabıl etilgen waqıttan baslap pedagogikalıq keńestiń aǵzası esaplanadı.
Pedagogikalıq keńeste dodalanatuǵın máselelerdiń mazmunınan kelip shıǵıp, májiliske tiyisli Mádeniyat basqarıw uyımları, ata-analar komiteti, puqaralardıń ózin-ózi basqarıw uyımı, jergilikli mámleketlik hákimiyat, huqıq qorǵaw uyımları hám basqa da shólkemlerdiń wákilleri mirát etiliwi múmkin.
5. Pedagogikalıq keńestiń jumısı tiyisli Mádeniyat basqarıw uyımları (boysınıwı boyınsha joqarı turıwshı shólkem) tárepinen qadaǵalanadı.
6. Pedagogikalıq keńestiń jumısı mekemeniń jıllıq jumis rejesinde arnawlı bánt penen sáwlelenedi. Jumis reje pedagogikalıq keńes jiynalısında kórip shıǵılıp, maqullanǵannan soń pedagogikalıq keńes baslıǵı tárepinen tastıyıqlanadı.
7. Pedagogikalıq keńes májilisinde mákemeniń jumısına baylanıslı eń áhmiyetli hám aktual máseleler talqılanadı.
8. Pedagogikalıq keńes májilisi hár sherekte keminde bir márte ótkeriledi. Zárúrlikke qaray, gezekten tıs jıynalıs ótkeriliwi múmkin.
Pedagogikalıq keńes májilisiniń protokolı onıń xatkeri tárepinen júrgiziledi. Bayanlama pedagogikalıq keńes baslıǵı hám xatkeri tárepinen qol qoyıladı.
Protokollardıń nomeri, sánesi hám májiliste kórilgen máseleler haqqındaǵı maǵlıwmatlar pedagogikalıq keńes májilisi protokolların jazıw dápterine jazıp barıladı. Pedagogikalıq keńes májilisleri bayanlamaların jazıp barıw dápteri nomerlenedi, jip ótkerip tigiledi hám tiyisli Mádeniyat basqarıw uyımı (boysınıwı boyınsha joqarı turıwshı shólkem) tárepinen qol qoyılıp, mórlenedi.
9. Bayanlamanıń kiris bóliminde pedagogikalıq keńes májilisi ótkerilgen sáne, bayanlama tártip nomeri, qatnasqanlar hám olardıń sanı jazıladı.
Pedagogikalıq keńes májilisleriniń bayanlamaların jazıp barıw dápterinde kún tártibine kirgizilgen máseleniń talqılawı, pedagogikalıq keńes aǵzaları tárepinen kirgizilgen pikir-usınıslar hám kún tártibindegi hár bir másele boyınsha qabıl etilgen qararlar jazıp barıladı.
Pedagogikalıq keńes jıynalısı bayanlamaların nomerlew hár oqıw jılınıń basında (avgust ayında) jańadan baslanadı.
10. Pedagogikalıq keńestiń májilisleri, eger olarda barlıq keńes aǵzaları ulıwma sanınıń keminde úshten eki bólegi, gezeksiz májiliste bolsa úshten bir bólegi qatnasıp atırǵan bolsa wákillikli esaplanadı.
11. Pedagogikalıq keńes qararların qabıl etiw ashıq dawıs beriw arqalı ámelge asırıladı.
Pedagogikalıq keńes qararı onıń májilisinde qatnasqan aǵzaları ulıwma sanınıń ápiwayı kópshilik dawısı menen qabıl etiledi. Dawıslar teń bolıp qalǵan jaǵdayda pedagogikalıq keńes baslıǵı sheshiwshi dawısqa ie boladı.
12. Pedagogikalıq keńes májilisin ótkeriw waqtı, ornı hám kún tártibi bir hápte aldın járiyalanadı (gezden tısqarı pedagogikalıq keńes májilisi buǵan kirmeydi).
13. Pedagogikalıq keńes májilisinde dodalanatuǵın máseleler boyınsha tayarlanatuǵın materiallar májilis baslanıwınan keminde bir hápte aldın atqarıwshılar tárepinen administraciyaǵa yamasa májilis xatkerine tapsırılıwı shárt.
14. 8-sanlı BMSMnıń pedagogikalıq keńesi tómendegi huqıqlarǵa iye:
oqıw procesin jetilistiriw hám materiallıq-texnikalıq bazasın bekkemlew boyınsha qararlar qabıl etiw;
oqıw jılı juwmaǵında oqıwshılardı keyingi klassqa kóshiriw yamasa klassta qaldırıw máselelerin sheshiw;
oqıw, ruwxıy-aǵartıwshılıq, ilimiy-metodikalıq hám tájiriybe-sınaq jumıslarında belsene qatnasqan pedagog xızmetkerlerdi materiallıq xoshametlew boyınsha mákeme janındaǵı arnawlı komissiyaǵa usınıs kirgiziw;
pedagog xizmetkerler arasınan mákeme janındaǵı arnawli komissiyanıń keminde eki agzasın tayinlaw;
pedagog xızmetkerdiń mamanlıq kategoriyasın arttırıw boyınsha usınıs beriw;
tańlawlar, festivallar, ustaz sabaqları, sheberlik sabaqları hám basqa da muzıkalıq hám kórkem óner ilajlarında oqıtıwshı-oqıwshılardıń qatnasıwı ushın talabanlardı usınıs etiw;
oqıw procesin jetilistiriw boyınsha ilajlar kóriw;
8-sanlı BMSMnıń perspektivalı rejesin belgilew.
Pedagogikalıq keńes nızam hújjetlerine hám de óz wazıypalarına muwapıq basqa huqıqlarǵa da ie bolıwı múmkin.
15. 8-sanlı BMSMnıń pedagogikalıq keńesi tómendegilerge májbúr:
mákemeniń jumıs rejesiniń orınlanıwı boyınsha belgilengen tártipte esabatlar tıńlaw;
pedagog xizmetkerler hám oqıwshılardıń huqıqları hám nizamlı máplerin qorgaw;
ulıwma jumısqa baylanıslı eń áhmietli hám aktual máselelerdi dodalaw;
hár sherekte metodikalıq keńestiń jumısına baylanıslı esabatın kórip shıǵıw;
tálim-tárbiya sapasın jáne de jaqsılaw boyınsha berilgen hár qanday usınıstı qabıl etiw hám kórip shıǵıw;
sabaq sabaqlarınıń oqıw rejesin oqıwshılar tárepinen ózlestiriwge qolaylı bolıwı kózqarasınan jetilistiriw;
tálim-tárbiyaǵa baylanıslı tartıslı máselelerdi dodalaw hám juwmaqlawshı qarar qabıl etiw;
zamanagóy málimleme-kommunikaciya texnologiyaların engiziw boyınsha pedagogikalıq izleniwlerdi hám dóretiwshilik baslamalardı qollap-quwatlaw;oqıw procesin nátiyjeli shólkemlestiriwdiń túrli forma hám usılların dodalaw hám ámeliyatqa engiziw;
pedagog xızmetkerlerge mektepten tısqarı bilimlendiriwge baylanıslı normativlik-huqıqıy hám metodikalıq hújjetlerdiń jetkeriliwin hám túsindiriw jumıslarınıń alıp barılıwın qadaǵalaw.
Pedagogikalıq keńestiń jumısı nızam hújjetlerinde názerde tutılǵan basqa minnetlemeler hám wazıypalarǵa da ie bolıwı múmkin.
16. 8-sanlı BMSMda pedagogikalıq keńes jumısına tiyisli tómendegi hújjetler bolıwı kerek:
Mádeniyat basqarıw uyımı (boysınıwı boyınsha joqarı turıwshı shólkem) tárepinen tastıyıqlanǵan mákemeniń pedagogikalıq keńesi haqqındaǵı reje;
pedagogikalıq keńes májilisi bayanlamaların jazıp barıw dápteri.
Keńes qararların orınlawǵa baǵdarlaw yamasa talap etilgende pedagogikalıq keńes májilisi bayanlamasınan kóshirme tayarlanıwı múmkin.
17. Pedagogikalıq keńes májilisleri bayanlamaların jazıw dápteriniń saqlanıwına pedagogikalıq keńes baslıǵı hám xatkeri juwapker esaplanadı.
Pedagogikalıq keńes jıyılısınıń bayanlamaların dizimge alıw dápteri júrgiziliwine qarap (birneshe bólimli dápterler de tutılıwı múmkin) 5 jıl dawamında saqlanadı hám belgilengen tártipte arxivke beriledi.
18. Pedagogikalıq keńes qararların orınlaw belgilengen xızmetkerler ushın májbúriy bolıp, qararlardıń orınlanıwınıń ulıwma qadaǵalawı pedagogikalıq keńes baslıǵı tárepinen ámelge asırıladı.
19. Pedagogikalıq keńeste mákemeniń jumısına baylanıslı túrli qararlar, sonday-aq, keńes aǵzalarınıń dizimin tastıyıqlaw haqqında qarar qabıl etiledi.