Ózbekstan Respublikası mámleketlik bayraǵı

"Ózbekstan Respublikası Mámleketlik bayraǵı haqqında"ǵı nızam 1991-jılı 18-noyabrde Ózbekstan Respublikası Joqarǵı Keńesiniń gezeksiz ótkerilgen VII sessiyasında qabıl etilgen.
Bayraqtaǵı kók reń tirishilik mazmunın sáwlelendirgen máńgi aspan hám tirishilik suwı simvolı. Tımsallar tilinde bul - jaqsılıqtı, danıshpanlıqtı, hadallıqtı, dańq hám sadıqlıqtı bildiredi.
Bayraqtaǵı aq reń-muqaddes tınıshlıq tımsalı bolıp, ol kún jaqtılıǵı hám kosmos jaqtırtqıshları menen úylesip ketedi. Aq reń - tazalıq, páklik, pákliktiń, arzıw-ármanlardıń tazalıǵı, ishki gózzallıqqa umtılıwdıń tımsalı.
Jasıl reń - tábiyattıń jańalanıwı belgisi. Ol kóplegen xalıqlarda náwqıranlıq, úmit hám quwanısh tımsalı esaplanadı.
Qızıl sızıqlar - denemizde qaynap aǵıp atırǵan turmıslıq kúsh dáryaların ańlatadı.
Aq reńdegi jas yarım ay súwreti biziń tariyxıy dástúrlerimiz benen baylanıslı. Házirgi waqıtta ol qolǵa kirgizilgen ǵárezsizligimizdiń belgisi de bolıp esaplanadı.
Mámleketlik bayraǵımızdaǵı aq reńdegi on eki juldızdıń kórinisin ózbek xalqı mádeniyatınıń áemgiligi, onıń kámillikke, óz topıraǵında baxıtqa umtılıwınıń tımsalı sıpatında túsiniw kerek.

Ózbekstan Respublikası Mámleketlik gerbi

"Ózbekstan Respublikası Mámleketlik gerbi haqqında"ǵı Nızam 1992-jılı 2-iyulde Ózbekstan Respublikası Joqarǵı Keńesiniń X sessiyasında qabıl etilgen.
Ózbekstan Respublikası Mámleketlik gerbi tómendegi kóriniske ie: tawlar, dáryalar hám shep tárepi biyday masaqlarınan, oń tárepi bolsa shaqaları ashılǵan ǵawasha shaqalarınan ibarat sheńberge oralǵan gúllegen oypatlıq ústinde quyash altın nurların shashıp turadı.
Gerbtiń joqarı bóliminde Respublika erkinliginiń simvolı sıpatında segiz múyeshlik súwretlengen bolıp, onıń ishki bóliminde yarım ay hám juldız súwretlengen. Gerbtiń orayında baxıt hám erkinlik súyiwshilik tımsalı - qanatların jayǵan Humo qusı súwretlengen. Gerbtiń tómengi bóliminde Ózbekstan Respublikası Mámleketlik bayraǵın sáwlelendiriwshi sheńber lentasınıń bántinde "Ózbekstan" dep jazıp qoyılǵan. Ózbekstan Respublikası Mámleketlik gerbiniń reńli kórinisinde: Humo qusı hám dáryalar - gúmis reńinde; quyash, masaqlar, paxta shanaqları hám "Ózbekstan" jazıwı - altın reńinde; ǵawasha shaqaları hám japıraqları, tawlar - jasıl reńde; shanaqlardaǵı paxta - aq reńde; lenta - Ózbekstan Respublikası Mámleketlik bayraǵınıń reńlerin sáwlelendiriwshi úsh túrli reńde; segiz múesh - altın zer menen jieklengen halda hawa reńde; yarım ay hám juldızlar - aq reńde súwretlengen.

Ózbekstan Respublikası mámleketlik gimni

Serquyosh hur o‘lkam, elga baxt, najot,
Sen o‘zing do‘stlarga yo‘ldosh, mehribon!
Yashnagay to abad ilmu fan, ijod,
Shuhrating porlasin toki bor jahon!

Naqorat:
Oltin bu vodiylar - jon O‘zbekiston,
Ajdodlar mardona ruhi senga yor!
Ulug‘ xalq qudrati jo‘sh urgan zamon,
Olamni mahliyo aylagan diyor!

Bag‘ri keng o‘zbekning o‘chmas iymoni,
Erkin, yosh avlodlar senga zo‘r qanot!
Istiqlol mash’ali tinchlik posboni,
Xaqsevar, ona yurt, mangu bo‘l obod!

Naqorat:
Oltin bu vodiylar - jon O‘zbekiston,
Ajdodlar mardona ruhi senga yor!
Ulug‘ xalq qudrati jo‘sh urgan zamon,
Olamni mahliyo aylagan diyor!

Qaraqalpaqstan Respublikasınıń Mámleketlik bayraǵı

kók, sarı hám jasıl rendegi úsh gorizontal sızıqtan ibarat tórtmúyeshliklerden ibarat. Sarı sızıq aq hám qızıl shegaralar menen ajıratılǵan. Bayraqtıń kók reńi suw hám báhár belgisi bolıp tabıladı. Sarı reń Qaraqalpaqstannıń kópshilik bólimi shólistanlıqlardan ibarat ekenligin kórsetedi. Jasıl reń tábiyat, ruwxıylıq, isenim hám quyashtıń jańalanıwı belgisi bolıp esaplanadı.YArım ay musılmanlardıń muqaddes tımsalı, bes juldız súwreti Qaraqalpaqstannıń eń áemgi bes qalasınıń turmısı hám isenimi tımsalı bolıp esaplanadı.

Qaraqalpaqstan Respublikası Mámleketlik gerbi

Qaraqalpaqstan gerbinde toq aspan kók tawlar ústinen shıǵıp atırǵan quyash hám respublikanıń áyyemgi tariyxı hám mádeniyatınıń tımsalı bolǵan zardushtiylerdiń Shılpıq qalası, Ámiwdárya hám Aral teńizi súwretlengen bolıp, olardıń oń tárepinde salı masaqları, shep tárepinde bolsa ashılǵan paxtanıń ǵóreklerinen ibarat gúldáste menen oralǵan. Gerbtiń joqarı bóleginde qırları toq sarı reńde bolǵan kók segizmúyeshlik, onıń ishinde aq reńdegi juldız hám yarım ay súwretlengen. Gerbtiń orayında qanatları jayılǵan ápsanawiy qus Qumay sáwlelengen. Gerbtiń tómengi bólegindegi gúldástede respublika mámleketlik bayraǵına hám orayında «QARAQALPAQSTAN» (yamasa «ҚАРАҚАЛПАҚСТАН») jazıwı jaylasqan. Paxta hám salıdan ibarat gúldáste Ózbekstan hám Qaraqalpaqstan bayraqları túsirilgen lentalar menen baylanısqan.

Qaraqalpaqstan Respublikası mámleketlik gimni

Jáyhun jaǵasında ósken bayterek,
Túbi bir, shaqası mıń bolar demek,
Sen sonday sayalı, quyashlı elseń,
Tınıshlıq hám ıǵbal sendegi tilek.
Naqıratı:
Diyqan baba nápesi bar jerinde,
Juwsan ańqıp, kiyik qashar shólinde,
«Qaraqalpaqstan» degen atıńdı,
Áwladlar ádiwler júrek tórinde.
Aydın keleshekke shaqırar zaman,
Mártlik miynet, bilim jetkizer oǵan,
Xalqıń bar azamat, dos hám miyriban,
Erkin jaynap-jasnap, máńgi bol aman.
Naqıratı:
Diyqan baba nápesi bar jerinde,
Juwsan ańqıp, kiyik qashar shólinde,
«Qaraqalpaqstan» degen atıńdı,
Áwladlar ádiwler júrek tórinde.